Birmanda demokratiya tərəfdarı Aunq San Suu Kyi milyonlarla həmyerlisinə qoşularaq son 25 ildə ölkədə ilk yarı-azad hesab olunan seçkidə səs verib.
Milli Demokratiya Liqasının baş katibini öz evi yaxınlığındakı seçki məntəqəsində yüzlərlə tərəfdarı və jurnalist müşayiət edib.
Seçki rəsmiləri bildiriblər ki, 10 saatlıq səsvermədən sonra yerli vaxtla saat 16:00-da seçki məntəqələri bağlanıb. Səsverməyə qeydiyyatdan keçmiş 32 milyon seçicisinin 80 faizdən çoxunun qatıldığı bildirilir.
Avropa Birliyinin seçki müşahidə missiyasının rəhbəri Alekandr Lambsdorff seçkilərlə bağlı nikbin olduğunu amma bir çox problemlərin də qeydə alındığını deyib. Missiya Birmada daha bir neçə həftə qalıb səsvermə sonrası prosesləri izləməyi planlaşdırır.
50 il qəddar hərbi xunta tərəfindən idarə edilən Birma 2011-ci ildə nominal olaraq mülki hökumətə keçid edib. Bu hökumət isə bugünkü seçkilərin azad və ədalətli keçiriləcəyinə söz verib.
Seşkilərdə 498 5 illik yer uğrundan 91 partiyadan 6000 namizəd mübarizə aparır. Ancaq əsas mübarizə iki partiya arasında gedir. Həmkarlar Həmrəyliyi və İnkişaf Partiyasını ordu dəstəkləyir. Digər tərəfdə isə Aunq San Su Kyinin rəhbəri olduğu Milli Demokratiya Liqası (NLD) var. Ancaq 2008-ci ildə Konstitusiyaya edilmiş dəyişikliklərə görə Nobel Mükafatı laureate yüksək vəzifə tuta bilməz.