Accessibility links

Blinken Berlində NATO müttəfiqləri ilə Ukraynaya dəstək məsələsini müzakirə edir


Almaniyanın xarici işlər naziri Annalena Berbok (solda), NATO baş katibinin müavini Mirça Coana (soldan 2-ci) və ABŞ dövlət katibi Antoni Blinken (sağdan 2-ci) Berlində NATO xarici işlər nazirlərinin qeyri-rəsmi toplantısında qrup şəkli çəkdirməyə hazırlaşır, 15 may, 2022-ci il.

ABŞ dövlət katibi Antoni Blinken bazar günü Berlində Ukraynanın xarici işlər naziri Dmitri Kuleba ilə görüşərək, Ukraynanın ərzaq ixracatının Afrika və Asiyada istehlakçılara çatdırılmasını təmin etmək üçün birgə işləməklə bağlı planları müzakirə ediblər.

Blinken və Kuleba Ukraynada vəziyyəti müzakirə etmək və Ukraynanı özünü Rusiyadan müdafiə etmək üçün lazım olan humanitar yardım və silahlarla təmin etmək səylərini əlaqələndirmək məqsədilə NATO xarici işlər nazirlərinin iclasında iştirak edirlər.

Rusiyanın fevralın 24-də Ukraynaya genişmiqyaslı müdaxiləsi ərzaq qiymətlərinin artmasına səbəb olub və dünyanın bir çox yerində aclıq təhlükəsinin artmasına gətirib çıxarıb. Almaniyada görüş keçirən Böyük Yeddilər qrupunun (G-7) xarici işlər nazirləri şənbə günü Rusiya hökumətini Ukraynadan çox ehtiyac duyulan taxıl, gübrə və digər kənd təsərrüfatı məhsullarının ixracını azad etmək üçün Ukraynanın Qara dəniz limanlarının blokadasına son qoymağa çağırıb.

Blinken və NATO xarici işlər nazirləri həmçinin Finlandiya liderlərinin NATO-ya üzv olmaq üçün müraciət etmək qərarını təxirə salmadan müzakirə etməyi planlaşdırırlar. Birləşmiş Ştatlar həm Finlandiya, həm də İsveçin transatlantik təhlükəsizlik alyansına qoşulmaq üçün müraciətlərini dəstəkləyəcəyini bildirib.

Rusiya prezidenti Vladimir Putin Finlandiya prezidenti Sauli Niinistoya şənbə günü Finlandiyanın təşəbbüsü ilə telefon danışığı zamanı xəbərdarlıq edib ki, Helsinkinin NATO-ya üzv olmaq üçün hər hansı cəhdi ikitərəfli münasibətlərə zərər verəcək.

Finlandiya liderləri Rusiyanın Ukraynaya təcavüzünü öz ölkələrinin təhlükəsizliyinə təhdid adlandırır; Finlandiya və Rusiya 1340 kilometr sərhədi bölüşürlər.

Türkiyə prezidenti Rəcəb Tayyib Ərdoğan da Finlandiya və İsveçin alyansa qoşulması ilə bağlı narahatlığını ifadə edib. ABŞ-ın yüksək səviyyəli rəsmiləri Türkiyənin mövqeyini aydınlaşdırmağa çalışdıqlarını bildiriblər.

Dünyaya Baxış

Dünyaya Baxış. Putin Soçidə Ərdoğanla görüşüb
please wait

No media source currently available

0:00 0:12:02 0:00
XS
SM
MD
LG