"Bu il Aralıq dənizində 1000-dən çox miqrant və qaçqın həyatını itirib. Bu `qaranlıq dövr` 6-cı ildir davam edir" - deyə, BMT çərşənbə axşamı bildirib.
BMT-nin Qaçqınlar Agentliy Avropa Birliyinə üzv ölkələri axtarış və xilasetmə işlərini yenidən bərpa etməyə və gəmilərin dənizdə xilasetmə işlərində rolunun kritik olduğunu tanımağa çağırıb.
"Aralıq dənizində faciənin davam etməsinə icazə verilməməlidir" - deyə, BMT-nin sözçüsü Qaçqınlar üzrə Ali Komissarlığın sədri Çarli Yaksli şərhdə bildirib.
Dövlət xəbər agentliyinin verdiyi məlumata görə, beş miqrantın cəsədi bazar ertəsi Mərakeşin Atlantik sahillərindəki Kasablanka yaxınlığında tapılıb.
Avropa Birliyi 2016-cı ildə Ankara ilə Türkiyədən Yunanıstana qaçqın və miqrant axının qarşısının alınması ilə bağlı razılıq əldə etmişdi. BMT-nin Qaçqınlar Agentliyinin açıqladığı məlumata görə, əsasən Liviya və Şimali Afrikadan olmaqla, miqrantların sayı 2015-ci ildən bəri 1 milyondan çox idisə, bu il 78 minə düşüb.
"Əlbəttə, Aralıq dənizini keçməyə çalışanların sayı daha azdır. Beləliklə bu, yolun özünün daha təhlükəli olduğuna işarədir" - deyə, BMT-nin Qaçqınlar Agentliyinin nümayəndəsi Liz Trossel Reuters agentliyinə bildirib.
Həm Qaçqınlar Agentliyinin, həm də Beynəlxalq Miqrasiya Təşkilatının saytında açıqlanan rəqəmlərə görə, 2014-cü ildən bəri Aralıq dənizində 18 mindən çox insan həyatını itirib.
