İranın Xarici İşlər Nazirliyi BMT-nin Tehranın Şimali Koreya ilə raket texnologiyası ilə mübadiləsinə dair hesabatını rədd edib. Xarici İşlər Nazirliyinin sözçüsü Ramin Mehmanpərəst deyib ki, İranın texnologiya imkanları kifayət qədər genişdir və onun heç bir ölkənin yardımına ehtiyacı yoxdur.
BMT-nin hesabatında Təhlükəsizlik Şurasının sanksiyalarına zidd olaraq, İranla Şimalı Koreyanın ballistik raket texnologoyası mübadiləsi etdiyi deyilir. Hesabatda bildirilir ki, mübadilə iki ölkənin milli hava yolları, Şimali Koreyanın Air Koryo və İran Hava Yolları vasitəsi ilə həyata keçirilir. Sənəddə mübadilələrin Çin kimi üçüncü ölkə vasitəsi ilə də ediliyi bildirilir.