BQXK ermənilər tərəfindən saxlanılan azərbaycanlılarla görüşüb

<p>Beynəlxalq Qızıl Xaç Komitəsinin (BQXK) nümayəndələri Azərbaycanın ermənilərin nəzarətində olan Kəlbəcər rayonu ərazisində girov götürülmüş azərbaycanlılarla görüşüb.</p> <p>BQXK-nın Azərbaycan nümayəndəliyinin məlumatına görə, görüşün təfsilatları və girovların saxlanma şəraitləri barədə məlumat ictimaiyyətə açıqlanmır.</p> <p>İyulun 11-də Ermənistan mediası iki Azərbaycan vətəndaşının girov götürülməsi haqqında məlumat yayıb. Məlumata görə, həmin şəxslər Tərtər rayonunun Qapanlı kəndinin sakini Şahbaz Quliyev&nbsp;və Kəlbəcərdən olan&nbsp;Dilqəm Əsgərovdur. Digər Azərbaycan vətəndaşı Həsən Həsənov isə öldürülüb. Həsənov Dağlıq Qarabağda dəfn olunub.</p> <p>Azərbaycanın Müdafiə Nazirliyi bu şəxslərin ordu sıralarında xidmət etmədiyini bildirib.&nbsp;</p> <p>&nbsp;</p>