Accessibility links

Braziliya prezidenti Çilinin yardımını qəbul edəcəyini bildirib


Braziliya prezidenti Jair Bolsonaro Çilinin Amazon tropik meşəsindəki yanğınlarla mübarizəya yardım üçün göndərdiyi dörd təyyarəni qəbul edəcəyini bildirib. Lakin o, eyni zamanda Fransa prezidenti Emmanuel Makronla bağlı tənqidlərini də davam etdirib.

Bolsonaro meşə yanğınlarının qarşısının alınması üzərində gedən mübahisədə onu yalançı adlandırdığına görə Fransa liderini bir daha tənqid edərək, Makronun özünü "ətraf mühitin qorunmasında marağı olan tək və yeganə insan" hesab etdiyini deyib.

Bolsonaronun bu sözləri Makronun ona qarşı təhqiramiz ifadələrini geri götürdüyü təqdirdə, onun G-7 ölkələrindən 20 milyon dollarlıq yardımı alacağını deməsindən bir gün sonraya təsadüf edir.

Bolsonaro Braziliyanın "ikitərəfli" yardım təkliflərini qəbul etməyə hazır olduğunu desə də, Almaniya və Fransanı Braziliyanın suverenliyini "almağa" çalışmaqda günahlandırıb.

Şərhlərə bax

XS
SM
MD
LG