Britaniya şahzadəsi Harri rəsmi olaraq amerikalı aktrisa Meqan Marklla nişanlanıb.
Bu xəbəri Harrinin atası şahzadə Çarls bu gün açıqlayıb. "Zati- aliləri Uels şahzadəsi Harrinin xanım Meqan Marklla nişanlanması xəbərini böyük məmnuniyyətlə bəyan edir."
Bəyanatda şahzadə Harrinin toy mərasiminin 2018-ci ilin baharında keçiriləcəyi, dəqiq gün barədə isə əlavə məlumat veriləcəyi deyilir.
Bəyanatda şahzadə Harrinin kraliçanın və ailə üzvlərinin, eləcə də Meqan Marklın ailəsinin xeyir-duasını aldıqdan sonra bu ayın əvvəlində Londonda nişanlandığı bildirilir.
Meqan Marklın ailəsi də nişanla bağlı bəyanatla çıxış edərək, Harri və Meqana görə çox xoşbəxt olduqlarını deyib.
