Britaniyanın Müdafiə Nazirliyi bazar günü bildirib ki, Rusiya müntəzəm olaraq İran istehsalı olan Şahed dronlarını alır.
Nazirliyin Twitter səhifəsində dərc edilmiş bəyanatında deyilir ki, Rusiya fevralın sonunda dronlarla hücumlara iki həftə fasilə verdikdən sonra, çox ehtimal ki, Ukraynada hədəfləri vurmaq üçün istifadə etdiyi azı 71 pilotsuz təyyarədən istifadə edib.
Ukrayna rəsmiləri bu cür hücumların mülki infrastrukturu hədəf aldığını dəfələrlə bildirib.
Britaniyanın Müdafiə Nazirliyi bildirdiyinə görə, Rusiya pilotsuz təyyarələri çox güman ki, Krasnodar və Bryansk vilayətlərindən buraxır və bu, Rusiyaya "Ukraynanın geniş sektorunu hədəf almasını sürətləndirir və Ukraynanın şimalındakı hədəflərə uçuş müddətini azaldır".
İranın ali dini lideri Ayətulla Əli Xameneyi Məşhəddə Novruz bayramı münasibətilə etdiyi son çıxışında Rusiyaya Ukraynaya hücum etmək üçün pilotsuz təyyarələr göndərdiyini təkzib edib.
"Biz Ukraynada müharibədə iştirak etməyi qətiyyətlə rədd edirik," o deyib.
