Kanyon cığırına olan səfərimin 3-cü saatında 10 şəlalənin altıncısı, Orta şəlaləyə gəlib çatıram. Əsas yoldan bir qədər aralıda yerləşən bu şəlalə də, digərləri kimi möhtəşəm mənzərəsiylə göz oxşayır. İlboyu yağmurlu havasıyla məşhur Oreqon ştatında yay aylarında çay sularının azalmasının təsirini bu şəlalərdə görmək mümkündür. Xüsusilə də son 2 ayda ştat boyunca davam edən quraq hava şəraiti şəlalərin suyunu kəskin azaldıb.