Cənubi Koreya koronavirus pandemiyasının yaşandığı bir zaman iqtisadiyyatın inkişaf etdirilməsi səyləri çərçivəsində bir çox vətəndaşına təcili pul ödəmələri edəcəyini bildirib.
Prezident Mun Jeae-ın bazar ertəsi hökumətin xüsusi işçi qrupunun üzvləri ilə görüşü zamanı gəlirləri yüksək olan 30% istisna olmaqla, bütün vətəndaşlara təxminən 820 dollar ödəniləcəyini və ümumi məbləğin 7.4 milyard dollar təşkil edəcəyini deyib.
Prezident Mun bu ödənişlərin karantin və sosial təcrid da daxil olmaqla, COVID-19 yayılmasının dayandırılmasına qarşı günlər və həftələrə dözüm göstərən cənubi koreyalılar üçün kompensasiya olduğunu deyib.
Bazar ertəsinə qədər Cənubi Koreyada 9,661 koronavirusa yoluxma, 159 ölüm halı təsdiq edilib, 5 228 nəfərin sağaldığı bildirilib. Cənubi Koreyada gündə yüzlərlə insanın müntəzəm olaraq testdən keçirilməsi nəticəsində virusun yayılmasının ləngiməsi qlobal miqyasda yüksək qiymətləndirilib.
