Accessibility links

Ceff Bezos ABŞ-ın korporativ vergi artımını dəstəkləyir


Ağ Ev və Konqres tərəfindən, eləcə də sosial mediada tənqidlərlə üzləşdikdən sonra ABŞ-ın ən böyük pərakəndə satış şirkətinin icraçı direktoru Ceff Bezos çərşənbə axşamı bildirib ki, Amazon.com infrastrukturun yenidən qurulması çərçivəsində ABŞ-ın vergi dərəcəsinin artmasını dəstəkləyir.

"Biz Bayden administrasiyasının Amerika infrastrukturuna cəsarətli investisiyalar etmək istəyini dəstəkləyirik" - deyə, Bezos bloqunda qeyd edib. "Bu investisiyanın həm buna nəyin daxil olduğu, həm də necə ödənildiyi baxımından hər tərəfdən güzəştlər tələb etdiyini (biz vergi dərəcəsinin artırılmasını dəstəkləyirik) başa düşürük" – deyə, o bildirib.

Son illərdə ABŞ federal gəlir vergisini çox az və ya heç ödəmədiyi üçün geniş tənqid olunan ABŞ-ın ən böyük onlayn pərakəndə şirkəti faiz dərəcələrinin müəyyən rəqəmə qədər artırılmasını təsdiqləməyib.

Ağ Ev bununla ağlı dərhal şərh verməyib.

Baydenin infrastruktur planı korporativ vergi əmsalının nisbətinin 21% -dən 28% -ə yüksəldilməsini təklif edir və şirkətlərə xarici mənfəətlərini köçürməyə imkan verən boşluqları aradan qaldırmaq üçün vergi kodeksinə yenidən baxılmasını nəzərdə tutur.

Bayden ötən həftə Amazonun 20%-dən çox vergi dərəcəsi ödəyən orta sinif ailələrinin tamamilə əksinə olaraq, Fortune jurnalının 500 şirkəti siyahısında "federal gəlir vergisini bir qəpik belə ödəmədiyi müxtəlif boşluqlardan istifadə edən" 91 şirkətdən biri olduğunu deyib.

Bezos 2021-ci ilin üçüncü rübündə icraçı direktor vəzifəsindən istefa verəcək.

2017 və ya 2018-ci illərdə heç bir federal gəlir vergisi ödəmədikdən sonra, Amazon 2019-cu il üçün 162 milyon dollar və 2020-ci il üçün 1.835 milyard ABŞ federal vergi borcunu açıqlayıb.

Baydenin sələfi Donald Tramp və Respublikaçı qanunvericilər 2017-ci ildə korporativ vergi əmsalının nisbətini 35%-dən 21% -ə endirmişdilər. Tramp prezidentliyi dövründə ölkə infrastrukturunun bərpası ilə məşğul olacağını dəfələrlə vəd etmişdi, lakin heç vaxt buna əməl etməmişdi.

Amerika İcmalı

Amerika İcmalı - 30 İyul 2021
please wait

No media source currently available

0:00 0:30:18 0:00
XS
SM
MD
LG