Bazar günü gecə Los Ancelesdəki Dolbi Teatrında Amerika kino akademiyasının 91-ci Oskar mükafatlarının qaliblərinin adları açıqlanıb.
ABŞ-dakı irqi seqreqasiyaya həsr olunmuş "Yaşıl kitab" filmi ilin filmi seçilib.
Maherşala Əli ən orijinal ssenari kateqoriyasında qalib gəlmiş Yaşıl kitab filmində ən yaxşı ikinci dərəcəli aktyor kateqoriyasında qalib olub.
Seqreqasiya dövrünün yol səyahəti dramı ağdərili sürücü ilə dost olmuş Afrika mənşəli amerikalı pianoçunun Amerikanın cənubuna olan turundan bəhs edir.
Film bəziləri tərəfindən tənqidlərə məruz qalıb, belə ki, bəziləri qaradərili insanın ağdərili insanın baxışından çəkildiyini və "ağ xilaskar" personajının nümunəsi kimi görür.
Alfonso Kuaron üç Oskar alıb. O, "Roma" filminə görə ən yaxşı rejissor işi, ən yaxşı xarici dildə film və ən yaxşı operator işi kateqoriyalarında qalib olub. Film 1970-ci illərdə Meksika şəhərində orta səviyyəli ailə tərəfindən işə götürülmüş bir işçinin hekayəsidir.
Filmin ulduzu Yalitza Aparisio ən yaxşı aktrisa kateqoriyasında namizədlər sırasında olsa da, bu kateqoriyada mükafatı "Favorit" filmində roluna görə Oliviya Kolmana alıb.
"Bohema rapsodiyası" filmində əfsanəvi Fredi Merkurini canlandırmış Rami Malek ən yaxşı aktyor kateqoriyasında Oskara layiq görülüb.
Reqina Kinq "Bil küçələri danışa bilsə" filminə görə ən yaxşı ikinci dərəcəli aktrisa kateqoriyasında Oskar alıb.
Digər bir qələbə qazanan yazıçı və rejissor Spayk Li olub. O, "BlacKkKlansman" filmi üçün ən yaxşı adaptasiya edilmiş ssenari kateqoriyasında ilk Oskar qazanıb.
