Accessibility links

ABŞ Dövlət katibi Beynəlxalq Qadınlar günü münasibətilə mesaj göndərib


ABŞ Dövlət katibi Beynəlxalq Qadınlar günü münasibətilə mesaj göndərib
ABŞ Dövlət katibi Beynəlxalq Qadınlar günü münasibətilə mesaj göndərib

Klinton:"Qadınlar sülh yaradır və inkişaf gətirir"

ABŞ Dövlət katibi Hillari Klinton 8 Mart Beynəlxalq Qadınlar günü münasibətilə dünya qadınlarına video mesaj göndərib.

Mesajda deyilir:

“Martın 8-i Beynəlxalq Qadınlar gününün 100 illiyi qeyd edilir. Çoxlarının bildiyi kimi, bu tarix mənim üçün xüsusi əhəmiyyət daşıyır. 1995-ci ildə Pekində insan hüquqlarının qadın hüquqları və qadın hüquqlarının da insan hüquqları olduğuna dair mesajıma müsbət reaksiya verildi. Lakin 16 il keçdikdən sonra qadınlar hələ də yoxsulluq, müharibə, xəstəliklər və aclıq kimi problemlərin ağırlığını çəkir. Direktorlar şuralarının iclasları, hökumət yığıncaqları, sülh danışıqları və dünyada mühüm qərarların verildiyi başqa yerlərə gələndə çox vaxt burada qadınları görmək olmur.

Tamamilə aydındır ki, əldə etdiklərimiz nailiyyətlər və irəliyə getmək impulsunu saxlamaq üçün hələ də çox iş görülməlidir.

Birləşmiş Ştatlar qadınları bizim xarici siyasətimizdə əhəmiyyətini artırmağa davam edir. Bu, təkcə düzgün iş deyil. Bu həm də ağıllı işdir. Qadınlar və qızlar bizim iqtisadiyyatımızı inkşaf etdirir. Onlar sülh yaradır və inkişaf gətirir. Onlara investisiya etmək qlobal tərəqqi, siyasi sabitlik və dünyada hamı üçün daha artıq inkişafa investisiya etmək deməkdir.

Gəlin bu günü qadın və qızların təhsil, səhiyyə, iş tapmaq və kredit almaq imkanlarına malik olduğunu təmin və onların zorakılıq olmadan yaşamaq hüququnu müdafiə edərək qeyd edək.”

Video müraciətə burada baxın

  • 16x9 Image

    Dilşad Əliyarlı

    Jurnalist və yazar Dilşad Əliyarlı 20 ildən artıqdır "Amerikanın səsi"ndə çalışır. Azərbaycan xidmətində televiziya proqramlarının yaradıcılarından biri olan Dilşad Əliyarlı "Amerika icmalı" proqramının redaktoru və aparıcısıdır. Dilşad Əliyarlı ABŞ-dan Azərbaycan dilində yayımlanan ilk televiziya xəbər proqramının ilk aparıcısı olub. 

XS
SM
MD
LG