"Cəmiyyət əvvəlki kimi idarə olunmaq istəmir. Cəmiyyət ciddi dəyişikliklər gözləyir," Azərbaycanda ilin siyasi yekunlarını dəyərləndirən alim Altay Göyüşov Amerikanın Səsinə müsahibədə deyib. Dekabrın 23-də keçirilən bələdiyyə seçkilərini və qarşıdan gələn parlament seçkiöncəsi siyasi atmosferi dəyərləndirən alim hesab edir ki, seçkilərdə iştirak qərarı cəmiyyətin siyasi baxımdan oyanışı üçün əhəmiyyətli rol oynayır. Siyasi proseslərdə xüsusilə gənc nəslin rolunu qeyd edən Altay Göyüşov müsbət siyasi dəyişiklilərə nail olunacağına ümidini ifadə edib.