Rusiyanın Dağıstan respublikasının İslam televiziya kanalının rəhbəri, müsəlman ruhaninin paytaxt Mahaçqala şəhərində güllə ilə vurulub öldürüldüyü xəbər verilir. Rusiyanın xəbər agentlikləri molla-jurnalist Maqomed Vaqif Sultanmaqomedovun bu gün nömrəsiz bir maşındakı silahlılar tərəfindən qətlə yetirildiyini bildirirlər.
İtar-Tass xəbər agentliyinin bildirdiyinə görə, ruhani-jurnalistin maşınına atəş açılmış, jurnalist və onun sürücüsü yaralanmışlar. Jurnalistin xəstəxanada, cərahiyyə əməlyyatı aparılarkən dünyasını dəyişdiyi bildirilir. Həbs edilənlər barədə məlumat verilmir.