Amerikanın Discovery tele-kanalında Azərbaycanda inşaat layihələrinə həsr edilmiş proqramlar yayımlanmağa başlayıb. Bu haqda Azərbaycan Respublikasının ABŞ-dakı səfirliyinin pres-relizində məlumat verilir.Tanınmış aparıcı Denni Forsterin dünyada ən möhtəşən memarlıq və inşaat layihələri haqda “Build it Bigger/Extreme Engineering”( Həhəng tikintilər/Ekstremal mühəndislik) proqramının üç buraxılışı Azərbaycana həsr edilib. Proqramda Bakıda Heydər Əliyev Mədəniyyət Mərkəzi və Odlar Yurdu Qalası layihələrindən söhbət açılır. Özünün veb səhifəsində Denni Forster yazır ki, siyasi müstəqilliyinin ardınca maliyyə müstəqilliyini əldə edən Azərbaycan milli xarakterini qoruyaraq özü-özünü yenidən kəşf etməyə başlayır. Discovery kanalının veb səhifəsində deyilir ki, layihələr müvəffəqiyyətlə başa çatsa, Bakı dünyanın ən özünəxməxsus gözəl şəhərlərindən biri olacaq.
Discovery tele-kanalı Azərbaycan haqda proqram yayımlayır
