Fransız yazıçı Tristan Banon Beynəlxalq Valyuta Fondunun sabiq direktoru Dominik Straus-Kanı zorlama ittihamı ilə məhkəməyə verir. Banonun vəkili bildirib ki, məhkəmyə sabah müraciət ediləcək. Yazıçı 2003-cü ildə müsahibə üçün onun evinə getdiyində zorlama cəhdi ilə üzləşdiyini deyir.Dominik Straus- Kan keçən həftə ev dustaqlığından azad edilsə də, Nyu-York mehmanxanasının xadiməsinin seksual təcavüzlə bağlı şikayətinə dair ittihamlar altındadır. Günahkar olmadığını iddia edən Kan vəzifəsindən istefa verib. Onun həbsdən azad edilməsinə iddiaçının etibarsızlığı səbəb olub.