Accessibility links

Donald Tramp yeni rüsümlarla bağlı şikayətlərə cavab verir


ABŞ prezidenti Donald Tramp fransalı həmkarı Emmanuel Makronla telefon söhbəti zamanı deyib ki, ABŞ-ın Avropa ilə ticarət balanssızlığı barədə tədbir görülməlidir.

İki lider arasında telefon söhbəti mayın 31-də gecə saatlarında olub.

İyunun 1-də Avropa İttifaqı ABŞ prezidentinin metal idxalına qoyduğu əlavə gömrük rüsumunun qanunsuzluğu barədə Dünya Ticarət Təşkilatına rəsmi şikayət təqdim edib.

Avropa İttifaqının kommersiya komissarı Sesilia Malmstrom bildirib ki, Aİ-nin ABŞ-ın yeni rüsumlarının qanunuliyini sorğu-suala çəkdiyi bir vaxtda ABŞ-la danışıqlar qeyri-mümkündür.

Vaşinqton iki aylıq istisna müddətinin bitməsi ilə bağlı Kanada, Meksika və Avropa İttifaqından alüminium və polad idxalına yeni gömrük rüsumlarının tətbiqinə başladığını dünən bəyan edib.

ABŞ-ın ticarət naziri Uilbur Ross deyib ki, iyunun 1-dən Avropa İttifaqı, Kanada və Meksikadan idxal olunan polada 25, alüminiuma isə 10 faizlik əlavə rüsum qoyulacaq.

Ross deyib ki, ABŞ bu barədə Kanada, Meksika və Avropa İttifaqı ilə danışıqlarını davam etdirəcək, “çünki həllini gözləyən başqa məsələlər də var”.

Lakin Fransa prezidenti Emmanuel Makron Vaşinqtonla danışıqlar təklifini rədd edərək, Trampın ABŞ-ın mürttəfiqləri üzərinə rüsumlar qoymaq qərarını “başqa danışıqların qapısını mahiyyət etibarilə bağlayır”- deyə, bildirib.

Trampla telefon söhbəti edəcəyini deyən Makron ABŞ-ın qərarını “qanunsuz” və “yanlış” adlandırıb.

Rossun bəyanatından sonra maliyyə bazarlarındakı eniş onu göstərir ki, Trampın qərarı Qərb müttəfiqləri arasında “ticarət müharibəsinə” səbəb ola bilər.

Avropa Komissiyasının prezidenti jan-Klod Yunker deyib ki, Avropa İttifaqının ABŞ-ın qərarına “əks-tədbirləri” qarşıdan gələn saatlarda elan ediləcək.

O bildirib ki,, ABŞ-ın rüsumları “aydın və aşkar şəkildə proteksionizmdən başqa bir şey deyil”.

Avropa İttifaqının kommersiya komissarı Cecilia Malmstrom deyib ki, Brüssel bu məsələni Dünya Ticarət Təşkilatında çəkişməyə çıxarmağa hazırdır.

Britaniya Vaşinqtonun rüsumlar barədə bəyanatının “dərin məyusluq” yaratdığını deyib.

Hökumət sözçüsü deyib ki, Birləşmiş Krallıq və Avropa İttifaqı ABŞ-ın yaxın müttəfiqləri kimi tariflərdən birdəfəlik və tamamilə istisna edilməlidir.

Almaniya kansleri Angela Merkel deyib ki, Avropa İttifaqının qərarı “ağıllı, qətiyyətli və həmrəy” olacaq.

Meksika hökuməti ABŞ-dan idxal olunan mallara əlavə rüsum qoyulacağı və bu rüsumun ABŞ rüsumlarından dəyən ziyanının ödəməsinə hesablanağını bəyan edib.

Kanadanın baş naziri Castin Trudo ABŞ-ın rüsum qərarını “qeyri-məqbul” adlandıraraq Kanadanın buna qarşı özünün əks-tədbirlərini tətbiq edəcəyini bildirib.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG