Bu partlayış keçən həftənin cümə günü Tacikistanın ikinci ən böyük şəhəri olan Xocanddə polis məntəqəsində baş vermiş bomba hücumunun ardınca həyata keçirilib
Tacikistan təhlükəsizlik rəsmilərinin bildirdiyinə görə, paytaxt Düşənbədə gecə klubunda bu gün səhər saatlarında baş verən bomba partlayışı nəticəsində 4 nəfər xəsarət alıb. Təhlükəsizlik rəsmilərinin hücumun terror aktı olduğunu hsab edib-etməməsi haqda ziddiyyətli məlumatlar verilir. Bu partlayış keçən həftənin cümə günü Tacikistanın ikinci ən böyük şəhəri olan Xocanddə polis məntəqəsində baş vermiş bomba hücumunun ardınca həyata keçirilib. Hücum nəticəsində 2 polis zabiti həlak olub, 25 nəfər isə yaralanıb.