Misir hava yolları 21 illik fasilədən sonra gələn aydan İraqa uçuşları bərpa edir. Milli hava yolları şirkətinin başçısı Hüseyn Məsud bu gün mətbuat konfransında bildirib ki, Misir təyyarələri həftədə dörd dəfə Bağdada, üç dəfə isə İrbil şəhərinə uçuşları icra edəcək. Uçuşlar iyulun 15-dən başlayacaq. Misir hava yolları İraqa uçuşları 1990-cı ildə birinci Körfəz müharibəsi zamanı dayandırmışdı.