Venesuelada kütləvi iğtişaşların davam etməsinə baxmayaraq, ölkənin mübahisəli lideri Nikolas Maduro hakimiyyətdən getməkdən imtina edir. ABŞ dövlət katibi Mayk Pompeo verdiyi müsahibədə Birləşmiş Ştatların Venesuelada davam edən iğtişaşların dayandırılması üçün hərbi müdaxilə etməyə hazır olduğunu bidirib. Venesuelanın milli assambleyasının prezidenti Xuan Quaydo Birləşmiş Ştatlar və dünyanın təxminən 50 ölkəsi tərəfindən ölkənin legitim lideri kimi tanınır. Lakin Venesuelanın müttəfiqləri olan Rusiya və Kuba isə Maduronu dəstəkləyir.