İsrail müdafiə naziri Ehud Barak Əmək partriyasını tərk etdiyini və hakim koalisiya daxilində yeni parlament fraksiyası yaratdığını elan edib. Ehud Barak mətbuat konfransında bildirib ki, onun yeni partiyası “mərkəzçi, sionist və demokratik” olacaq. Yeni “Müstəqillik” partiyasında sabiq baş nazirə Əmək partiyasının dörd keçmiş xadimi qoşulacaq. Bu yaxınlarda Əmək partiyası daxilində partiyanın hökumətin fələstinlilərlə iflasa uğramış danışıqlarında rolu ilə bağlı kəskin fikir ayrılıqları meydana çıxıb.