Accessibility links

Cənubi Qafqaz Boru Kəmərinin Genişləndirilməsi layihəsi başa çatmaqdadır


Pərviz Şahnbazov

“Cənub Qaz Dəhlizi”nin BP-nin operatorluğu ilə həyata keçirilən hissələri – “Şahdəniz Mərhələ 2” və “Cənubi Qafqaz Boru Kəmərinin Genişləndirilməsi” layihələri tamamilə başa çatmaqdadır.

Bu barədə Azərbaycanın Energetika Nazirliyində energetika naziri Pərviz Şahbazovla BP-nin Azərbaycan, Gürcüstan və Türkiyə üzrə regional prezidenti Qəri Counzin görüşündə bildirlib.

Hər iki layihə, eləcə də Trans-Anadolu (TANAP) boru kəməri layihəsi üzrə işlərin gedişatı ilk qazın cari ilin ortalarına planlaşdırılan nəqlinə imkan yaradacaq.

Qəri Counz fevralın 15-də Bakıda keçiriləcək “Cənub Qaz Dəhlizi” Məşvərət Şurası çərçivəsində nazirlərin dördüncü toplantısına hazırlıq və müzakirəyə çıxarılacaq məsələlərlə də maraqlanıb. Hazırlıq işləri barədə məlumat verən energetika naziri Pərviz Şahbazov bildirib ki, “Cənub Qaz Dəhlizi”nin reallaşdırılması prosesi artıq həlledici mərhələyə daxil olur. Layihənin qrafikə uyğun həyata keçirilməsində Məşvərət Şurasının iclaslarının mühüm rolu olub. Budəfəki toplantı da ötən dövr ərzində görülmüş işləri birgə nəzərdən keçirməklə yanaşı, növbəti hədəfləri birgə müəyyənləşdirmək baxımından əhəmiyyətli olacaq.

Görüşdə həmçinin “Azəri-Çıraq-Günəşli” yataqlar bloku üzrə yeni hasilatın pay bölgüsü Sazişindən irəli gələn məsələlər, BP-nin iştirak etdiyi digər enerji layihələri, eləcə də dünya enerji bazarındakı son vəziyyət ətrafında fikir mübadiləsi aparılıb.

Məlumatı Energetika Nazirliyinin mətbuat xidməti yayıb.

XS
SM
MD
LG