Erməni hərbçilər Qazax rayon sakini Elvin İbrahimovu saxlayıblar.
Ermənistan Müdafiə Nazirliyinin mətbuat katibi Arsun Ovenesiyan bildirirb ki, gecə saat 1.30-da Ermənistanın şimal-şərqində sərhəd zonasında gözə dəyən sərhəd pozucusu hərbçilərin tabe olmaq tələbinə məhəl qoymayıb. Sərhədçilər atəş açaraq onu ayağından yaralayıb. O, tibb müəssisəsinə aparılıb.
Sənədlərə görə, həmin şəxs Azərbaycanın Qazax rayonunun sakini Elvin Arif oğlu İbrahimovdur (1986-cı ildə anadan olub). Ermənistan Milli Təhlükəsizlik Nazirliyi fakt üzrə cinayət işi qaldırıb.
Azərbaycanın Dövlət Sərhəd Xidmətindən, Hərbi Əsirlər və Girovlar üzrə Dövlət Komissiyasından Ermənistan Müdafiə Nazirliyinin yaydığı məlumata hələ münasibət almaq mümkün olmayıb.
Qazax Rayon İcra Hakimiyyətindən Amerikanın Səsinə bildiriblər ki, Elvin Abdullayev adlı şəxslə bağlı onlara hər hansı məlumat daxil olmayıb.
