ABŞ-ın bəzi müşahidəçilərinin sözlərinə görə, Sudan hökümətinin ölkədə hökümət əleyhinə çıxış edən nümayişçiləri təqdib etməsi ölkənin ABŞ-la münasibətlərini normallaşdırma səylərinə xələl gətirə bilər.
Xəbər agentlikləri və insan haqları təşkilatlarının bildirdiyinə görə, yüksək inflyasiya, artan çörək və yanacaq qiymətləri ilə əlaqədar dekabrın 19-dan başlayan etiraz aksiyalarında qanunsuz həbs və ölümlərin olduğuna dair məlumatlar var.
Ancaq Reuters xəbər agentliyi bildirir ki, son günlərdə prezident Ömər Əl-Bəşir etirazçılara qarşı daha çox uzlaşma tonu alıb və onların çoxunun kasıb, perspektivli gənclər olduğunu söyləyərək, həbs olunan jurnalistləri azad edəcəyini vəd edib.
Sudan höküməti ABŞ-ı Sudanı terrorçuluğu maliyyələşdirən dövlətlərin siyahısından çıxarmasını istəyir.
Sudan və ABŞ arasında əlaqələrin normallaşdırılması səyləri 20 ildir şimal-şərqi Afrika ölkələrinə tətbiq olunan iqtisadi sanksiyalara son verən prezident Barak Obamanın administirasiyası dövründə başladılıb.