Şiddətli qar və şaxta Avropada hava, dəmir yol və yol nəqliyyatını bu gün də iflic vəziyyətində saxlayıb. Milad bayramı münasibətilə tətilə çıxmış minlərlə insan yollarda ilişib qalıb. Britaniyanın ən məşğul hava limanı Hitrouda güclü qara görə aeroporta və oradan bütün uçuşlar təxirə salınıb. Frankfurt hava limanında təxminən 500 uçuş təxirə salınıb. Londonun Qatvik aeroportu, habelə Amsterdamda, Almaniya və Fransada hava limanlarında sərnişinlər uçuşlar təxirə salındığına görə gözləməli olur. Yüzlərlə sərnişin Parisin Şarl de Qoll hava limanında gecələyib. İtaliyada Florens hava limanı da bağlıdır. Bu, Avropada son on illərdə ən soyuq və yağmurlu hava şəraiti hesab olunur.
Avropada soyuq hava şəraiti davam edir
- Amerikanın səsi
