Accessibility links

Yeni karantin məhdudiyyətləri fələstinlilərin maddi vəziyyətini daha da ağırlaşdırıb


İşğal altında olan İordan çayının Qərb Sahilində yoluxma hallarının artmasına görə yenidən həyata keçirilən məhdudiyyətlər koronavirus pandemiyasının maddi cəhətdən təsirinə məruz qoyduğu fələstinlilərin vəziyyətini daha da ağırlaşdırır.

Fələstin rəhbərliyi bazar günü yenidən 14 günlük karantin qərarı verdikdən sonra komendant saatı olmasına baxmayaraq, bəzi iş adamları koronavirusa yoluxmaların ən yüksək həddə çatdığı Hebron şəhərinin küçələrinə çıxıb.

Ondan bir gün sonra Fələstin rəhbərliyinin yerləşdiyi Ramallah şəhərində hiddətlənmiş 50-yə yaxın ticarət adamı komendant saatı qüvvəyə minmədən bir neçə gün əvvəl bağlanmış mağazalarının yenidən açılmasını tələb edib.

Onların mağazaları COVİD-19 başlayandan sonra da bir neçə həftə bağlı qalmışdı.

"İnsanların evdə qalmasını istəyənlər onların ehtiyaclarını ödəməlidir" - deyə, Ramallahın mərkəzindəki ərzaq mağazasının sahibi Məhəmməd Nəsr bildirib.

"Biz yalnız mağazaların açılmasını deyil, normal həyatımıza qayıtmaq və hərəkət etmək istəyirik", o deyib.

Fələstin rəhbərliyi ilk raund olaraq, may ayında məhdudiyyətləri yüngülləşdirməyə başlayandan sonra yeni yoluxmalar artmağa başlayıb və
rəsmilər buna səbəbin insanların sosial məsafəni qorumaması və əsasən fəhlələr olmaqla, İordan çayının Qərb Sahili ilə İsrail arasında səyahətlərin davam etməsi olduğunu deyib.

Fələstin Səhiyyə Nazirliyi çərşənbə gününə olan məlumatlara əsasən, İordan çayının Qərb Sahilində 6 992 yoluxma, 43 ölüm halının qeydə alındığını bildirib.

Şərhlərə bax

XS
SM
MD
LG