Accessibility links

Filip Riker Azərbaycana səfərə gəlib


Bu gün, iyunun 8-də ABŞ Dövlət Katibinin Avropa və Avrasiya məsələləri üzrə köməkçisi vəzifəsini icra edən Filip Riker Azərbaycana səfərə gəlib.

Bu barədə ABŞ-ın Azərbaycandakı Səfirliyinin Mətbuat Xidmətindən Amerikanın Səsinə bildiriblər.

İki günlük səfər çərçivəsində Filip Riker Bakıda bir sıra rəsmi şəxslərlə görüşlər keçirəcək.

ABŞ Dövlət Departamentinin məlumatına görə, ABŞ Dövlət katibinin Avropa və Avrasiya məsələləri üzrə köməkçisi vəzifəsini icra edən Filip Riker iyunun 6-dan 13-dək Gürcüstanda, Azərbaycanda və Ermənistanda səfərdə olacaq.

O, artıq Gürcüstanda səfərdə olub və bu gün Tbilisidən Bakıya gəlib. Bakıdan isə Yerevana gedəcək.

Dövlət Departamenti bildirir ki, Filip Riker səfər zamanı ikitərəfli və regional prioritetləri inkişaf etdirmək və ABŞ-ın bölgədəki demokratik və iqtisadi inkişafa dəstəyini ifadə edəcək.

Məlumatda deyilir ki, Filip Riker Gürcüstanda hökumət, müxalifət və vətəndaş cəmiyyəti liderləri ilə bir araya gələrək, Gürcüstanın siyasi partiyaları arasında aprelin 19-da imzalanan sazişi, Rusiyanın davamlı təcavüzü və işğalını müzakirə edəcək.

Dövlət katibinin köməkçisi Ermənistan və Azərbaycanda hökumət, vətəndaş cəmiyyəti və iş adamları ilə görüşərək ikitərəfli prioritetləri və Dağlıq Qarabağ münaqişəsi ilə bağlı məsələləri müzakirə edəcək.

Dünyaya Baxış

Dünyaya Baxış. Tofiq Yaqublu döyülməsi ilə bağlı prokurorluqda ifadə verib
please wait

No media source currently available

0:00 0:11:46 0:00

Amerika İcmalı

Amerika İcmalı - 3 Dekabr 2021
please wait

No media source currently available

0:00 0:29:43 0:00
XS
SM
MD
LG