NATO xəbər verir ki, Əfqanıstanda baş verən ayrı-ayrı hücumlar nəticəsində koalisiyanın 5 əsgəri həlak olub. Yolkənarı bomba partlayışı nəticəsində bir insidentdə NATO-nun üç əsgəri, başqasında isə bir əsgəri həlak olub. Əfqanıstanın şərqində isə qiyamçı hücumu nəticəsində bir NATO əsgəri ölüb. Çərşənbə günü isə 6 NATO əsgəri həlak olub. NATO komandirləri qiyamçılara qarşı hücum əməliyyatlarının intensivləşdiyi bir periodda koalisiya qüvvələrinin itkilərinin çoxaldığını bildirir. Təkcə bu ay 35 NATO əsgəri həyatını itirib.