Əfqanıstan rəsmiləri deyirlər ki, Kabilin mərkəzində şiə pirində baş verən intiharçı hücumu nəticəsində azı 48 adam, o cümlədən çox sayda qadın və uşaq həlak olub.
İntiharçı bombanı şiələrin Aşura münasibətilə toplaşdığı Əbul Fazil pirində işə salıb. Partlayışda azı 100 adam yaralanıb.
Polis rəisi Məhəmməd Əyyub Sələngi partlayışın mərasimin sonuna yaxın baş verdiyini deyib.
Rəsmilər həmçinin Məzari-Şərifdə şiə məscidinə baş vermiş partlayışda dörd adamın öldüyünü xəbər verirlər.
