Accessibility links

Fransada miqrant məsələsi müzakirə edilir


Fransa bazar günü Avropa nazirlərinin görüşünə ev sahibliyi edir. Onlar miqrantların İngilis kanalı ilə qayıqlarla keçməsini dayandırmağın yollarını müzakirə edir. Lakin müzakirə keçən həftə qalmaqaldan sonra kənarlaşdırılan Britaniyanın iştirakı olmadan keçirilir.

Fransa, Almaniya, Niderland və Belçikadan gələn immiqrasiyadan məsul nazirlər bazar günü günortadan sonra Fransanın şimalındakı Kale limanında bir araya gələrək dar su yolunu keçmək istəyən miqrantları qayıqlarla təmin edən insan qaçaqmalçı dəstələri ilə necə mübarizə aparmağı müzakirə edir.

Çərşənbə günü azı 27 miqrant Fransadan La-Manş (İngilis) boğazını keçmək istəyərkən qayığın çevrilməsi nəticəsində boğulub.

Fransanın daxili işlər naziri Gerald Darmanin bildirib ki, qayıqda 34 nəfər olub. Reuters-in məlumatına görə, iki ölkə arasında miqrantların iştirakı ilə qeydə alınan ən dəhşətli faciədə iki nəfər xilas edilib, biri isə itkin düşüb.

Agence France-Presse-in məlumatına görə, Daxili İşlər Nazirliyi izahat vermədən ilkin ölənlərin sayını 27 olduğunu bildirib.

Miqrantların AFP-yə verdiyi məlumata görə, ölənlərin əksəriyyəti iraqlılar, iranlılar və əfqanlar olmaqla, ümumilikdə 17 kişi, 7 qadın və 3 azyaşlı həlak olub.

Qəzadan sonra Fransa prezidenti Emmanuel Makronun Britaniyanın baş naziri Boris Consonu "qeyri-ciddi" adlandırması ilə münasibətlərdə gərginlik yaranıb.

Dünyaya Baxış

Dünyaya Baxış. Ukraynanın hökumət vebsaytları kiberhücuma məruz qalıb
please wait

No media source currently available

0:00 0:11:00 0:00
XS
SM
MD
LG