Fransanın maliyyə naziri Kristina Lagard direktorun avropalı olmaması çağırışlarına baxmayaraq, Beynəlxalq Valyuta Fondunun direktoru vəzifəsinə öz namizədliyini irəli sürüb. Fondun direktoru Dominik Ştraus-Kanın seks skandalı səbəbi ilə vəzifəsindən kənarlaşdırılmasından sonra direktorluğa vakansiya elan edilib.Leqard namizədliyini bu gün keçirdiyi mətbuat konfransında irəli sürüb.
Almaniya kansleri Angela Merkelin başçılıq etdiyi Avropa İttifaqı bu vəzifəyə avropalının təyin edilməsinin tərəfdarıdır. Dünən Braziliya, Rusiya, Hindistan, Çin və Cənubi Afrika respublikası birgə bəyanatlarında Beynəlxalq Valyuta Fondunun avropalı tərəfindən idarə edilməsi ənənəsinə son qoyulmasına çağırıb. Nominasiya müddəti iyun ayının 10-da başa çatır. Fondun rəsmiləri iyunun sonunadək prosesi bitirəcəklərinə ümid bəsləyirlər.