Gürcüstan Daxili İşlər Nazirliyinin çərşənbə aşamı açıqladığı məlumatda polisin minlərlə veb səhifəni offline vəziyyətinə salan və çox guman ki, xaricdən edilən genişmiqyaslı kiber-hücumu araşdırdığı bildirilib.
Bazar ertəsi minlərlə dövlətə məxsus, özəl və media saytları sıradan çıxarılıb və ana səhifələrində Gürcüstanın keçmiş prezidenti Mixail Saakaşvilinin əlində `Geri dönəcəyəm!` yazılan plakat tutduğu görüntüsü nümayiş etdirilib.
Kiber hücum prezident aparatı, yerli bələdiyyə ofisləri və iki özəl televiziya stansiyası da daxil olmaqla, bir çox veb səhifəni hədəf alıb.
`Kiber-hücum həm ölkənin ya daxilindən, həm də xaricdə həyata keçirilə bilərdi` - deyə, Daxili İşlər Nazirliyi bildirib.
2008-ci ildə, Gürcüstan Rusiya ilə separatçı bölgələr uğrunda gedən qısamüddətli müharibə zamanı da Rusiyanı gürcü saytlarına qarşı haker hücumunda ittiham etmişdi.
Kreml ona qarşı irəli sürülən `haker ittihamını rədd edbi. O zamandan bəri kəsilən diplomatik münasibətlər hələ də bərpa olunmayıb.