Accessibility links

Gəncə hadisələri ilə bağlı həbs edilmiş məhbus vəfat edib


Aydın Qurbanov
Aydın Qurbanov

Gəncə hadisələri (2019-cu il iyul ayı) ilə bağlı ittiham olunan Aydın Qurbanov iyulun 10-da Ədliyyə Nazirliyinin Müalicə Müəssisəsində vəfat edib.

Bu barədə Amerikanın Səsinə hüquq müdafiəçisi Oqtay Gülalıyev bildirib.

Ədliyyə Nazirliyinin Baş Tibb İdarəsi Amerikanın Səsinə iyulun 10-da səhər saatlarında Aydın Qurbanovun mədə xərçəngindən vəfat etdiyini bildirib.

Aydın Qurbanovun həyat yoldaşı Məhbubə Qurbanovanın sözlərinə görə, iyulun 8-də Aydın Qurbanov komaya düşüb. Həkimlər onun ömrünün az qaldığını bildirsələr də prokurorluq Qurbanovun həbsdən azad edilməsilə bağlı ailənin xahişini təmin etməyib.

Qurbanov Cinayət Məcəlləsinin 228.3-ci maddəsi (mütəşəkkil silahlı qruplaşmanın tərkibində qanunsuz silah dövriyyəsi) ilə həbs edilib. Həbsdən sonra onda onkoloji xəstəlik aşkar edilib.

2018-ci il iyulun 3-də Gəncədə şəhərin o zamankı rəhbəri Elmar Vəliyevə qarşı sui-qəsd törədilib. Əslən Gəncədən olan Yunis Səfərov onu və onun cangüdənini yaralayıb.

Bundan sonra sosial şəbəkələrdə iyulun 10-na Gəncə administrasiyasının qarşısında Elmar Vəliyevin fəaliyyətinə etiraz olaraq aksiya təyin edilib.

İyulun 10-da Daxili İşlər Nazirliyi Gəncədə iğtişaşlar barədə məlumat yayıb. Hadisələr zamanı iki yüksək rütbəli polis əməkdaşı öldürülüb.Bunun ardınca kütləvi həbslər baş verib. 60-a yaxın adam cinayət məsuliyyətinə cəlb edilib. Silahlı müqavimət zamanı 6 nəfər öldürülüb.

Martın əvvəlində ümumi sayı 14 nəfərdən ibarət iki qrupun barəsində hökm çıxarılıb. Onlar kütləvi iğtişaşlarda iştirakda və polis əməkdaşlarına qarşı zorakılığın tətbiqində ittiham olunaraq 5 ildən 8 ilədək azadlıqdan məhrum edilib.

Dünyaya Baxış

Dünyaya Baxış. Rusiya Belqorodda Ukraynanın hava hücumunun qarşısını aldığını bildirib
please wait

No media source currently available

0:00 0:12:17 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG