Accessibility links

“Gəncə işi” üzrə təqsirləndirilən şəxslərin yaxınları etiraz aksiyası keçirib


Bu gün, avqustun 12-i “Gəncə işi” üzrə həbs olunanların yaxınları Azərbaycan Prezidentinin Administrasiyasının binası qarşısında “Gəncə məhbuslarına azadlıq!”, “Sifarişli məhkəmələrə son!” şüarları ilə etiraz aksiyası keçirib. Onlar övladlarının günahsız həbs edildiyini bildirib və bəraət verilməsini tələb edib.

Polis aksiyaya müdaxilə edib, lakin insident olmayıb. Polis rəsmiləri aksiya iştirakçılarına pandemiya ilə əlaqədar Prezident Administrasiyasında qəbul edilmyəcəklərini bildirib.

Hazırda Bakı Ağır Cinayətlər Məhkəməsində Yunis Səfərov və digər 11 nəfərin məhkəmə prosesi davam etdirlir. Dövlət ittihamçısı təqsirləndirilən şəxslərə 15 ildən 20 ilədək, Yunis Səfərova isə ömürlük həbs istəyib.

2018-ciil iyulun 3-də Gəncə şəhər İcra Hakimiyyətinin keçmiş başçısı Elmar Vəliyevə və bir polis serjantına silahlı sui-qəsd olub, onlar xəsarət alıb.

Rəsmi məlumata görə, bundan sonra, həmin il iyulun 10-da Gəncədə 150-200 nəfərlik radikal dini qrupun keçirmək istədiyi aksiyada yüksək rütbəli polis zabitləri - İlqar Balakişiyev və Səməd Abbasov qətlə yetirilib.

Səfərov və onunla birlikdə mühakimə olunanlar Cinayət Məcəlləsinin 30-dan artıq maddəsi ilə (qəsdən adam öldürməyə cəhd, terrora çağırış, dövlət çevrilişinə cəhd, qanunsuz silah saxlama və s.) ittiham olunur.

Amerika İcmalı

Amerika İcmalı - 11 Sentyabr hücumlarının 20-ci ildönümü
please wait

No media source currently available

0:00 0:30:02 0:00
XS
SM
MD
LG