Accessibility links

Gəncədə etiraz aksiyası keçirilib


Gəncə hadisələri ilə bağlı həbs edilənlərin yaxınları etiraz edib

Aprelin 22-də Gəncə şəhər (Bakıdan 364 kilometr qərb) İcra Hakimiyyətinin binası qarşısında Gəncə hadisələri ilə bağlı həbs edilən və işgəncələrə məruz qalanların ailə üzvləri və yaxınları etiraz aksiyası keçirib. Aksiya bir saata yaxın davam edib.

Etitazçılar keçmiş prezident Heydər Əliyevin və Gəncə hadisələri ilə bağlı həbs edilənlərin, işgəncəyə məruz qalanların fotoları əks olunan portretlər qaldırıb. Həmçinin istintaq zamanı təqsirləndirilən şəxslərə işgəncə verdiyi iddia edilən polis və prokurorluq işçilərinin fotoları nümayiş etdirilib.

Heydər Əliyevin portretinin üzərində onun sözlərindən sitat yazılıb. “Dövlət iki halda sarsıla biər: 1. Cinayətkar cəzasız olanda. 2. Günahsıza cəza veriləndə.”

Hadisələrlə bağlı həbs edilən və işgəncələrə məruz qaldığı iddia edilən şəxslərin fotoları əks olunan plakatda isə bu sözlər yazılıb: “Gəncə 2018-ci il iyul hadisələrinin günahsız qurbanlarına azadlıq tələb edirik!”

Əraziyə polis qüvvəsi yeridilib.

Gəncə hadisələri ilə bağlı həbs edilənlərin yaxınları etiraz edib
Gəncə hadisələri ilə bağlı həbs edilənlərin yaxınları etiraz edib

Polis vətəndaşlardan aksiyanın qanusnuz olduğunu, ərazini tərk etmələrini xahiş edib. Bu zaman etirazçılar Herdər Əliyevin porterinə müraciət edərək, “Sizin vaxtınızda belə özbaşınalıq olmazdı. Övladlarımız günahsız olaraq həbs edilib. İşgəncəyə məruz qoyulub,” deyiblər.

Polis mayoru aksiya iştirakçılarına apellyasiya məhkəməsinə şikayət etmələrini məsləhət bilib.

“Biz baş verənlərlə bağlı Prezident Administrasiyasında, Baş Prokurorluqda olub, etirazımızı bildirmişik. Nəticəsi yoxdur. Günahsız uşaqlarımıza məhkəmələr 6-10 il həbs verir,” etirazçılardan biri deyib.

Digər etirazçı isə bildirib ki, həbs edilən şəxslərin çoxunun təqsiri yoxdur

Hansısa Rəşad Böyükkişiyev adlı bir şəxs çıxdı. Polislərin özləri də qeyd edirlər, hansı ki, meydanda at oynadıb, meydanın o başına gedib, bu başına gedib. Əlində də qılınc. Meydanda o qədər polis var idi, məgər onu görmədilərmi?
Aksiya iştiraakçısı

“Onlar hansısa bir oyunun qurbanı olub. Uşaqlarımız meydana aksiyaya baxmağa, kimin necə çıxış edəcəyinə baxmaq üçün gedib. Hansısa Rəşad Böyükkişiyev adlı bir şəxs çıxdı. Polislərin özləri də qeyd edirlər, hansı ki, meydanda at oynadıb, meydanın o başına gedib, bu başına gedib. Əlində də qılınc. Meydanda o qədər polis var idi, məgər onu görmədilərmi? Onun özü də axtarışda olub. Polis işçilərinin qabaqlayıcı tədbirləri harada idi? Onlar buna niyə yol verdilər? Niyə İlqar Balakişiyev, Səməd Abbasov (hadisələr zamanı öldürülən yüksək vəzifəli polis zabitləridir-red) qətlə yetirilsin, Samir Bayramov yaralansın”, aksiya iştirakçısı qeyd edib.

Aksiya iştirakçıları övladlarının və qohumlarının həbs və istintaq zamanı çoxsaylı işgəncələrə məruz qaldığını bildirib.

Aksiya insidetsiz başa çatıb.

2018-ci il iyulun 3-də Gəncə Şəhər İcra Hakimiyyətinin başçısı Elmar Vəliyevə və bir polis serjantına silahlı sui-qəsd olub, onlar xəsarət alıblar.

Sui-qəsdi törətdiyi bildirilən Yunis Səfərov həbs edilib. Hüquq-mühafizə orqanları baş verənləri terror hesab edir və iddia edirlər ki, Yunis Səfərovun əsas məqsədi Azərbaycanda şəriət qanunları ilə idarə olunan islam dövləti qurmaq olub.

Yunis Səfərov bu iddialarla bağlı münasibətini hələlik ictimaiyyətə açıqlamayıb. Bu sui-qəsddən bir qədər sonra sosial şəbəkələrdə iyulun 10-da Gəncədə aksiya keçirilməsi ilə bağlı məlumatlar yayılıb.

Rəsmi məlumata görə, iyulun 10-da Gəncədə 150-200 nəfərlik radikal dini qrupun keçirmək istədiyi aksiyada yüksək rütbəli polis zabitləri - İlqar Balakişiyev və Səməd Abbasov qətlə yetirilib.

Bu hadisələrlə bağlı hüquq-mühafizə orqanlarının yaydığı məlumatlarda vurğulanıb ki, keçirilən əməliyyatlar zamanı axtarışda olan bəzi şəxslər silahlı müqavimət göstərərkən öldürülüblər (rəsmilər 5, hüquq müdafiəçiləri isə daha çox şəxsin öldürüldüyünü deyirlər).

Hərçənd, öldürülən bəzi şəxslərin yaxınları onlarda silah olduğu ilə bağlı deyilənlərin həqiqət olmadığını iddia edib.

Gəncə hadisələri ilə bağlı həbs edilənlər
Gəncə hadisələri ilə bağlı həbs edilənlər

Martın 1-də Sabunçu Rayon Məhkəməsində Gəncə hadisələri ilə bağlı həbs edilən iki qrupa hökm oxunub. Onlar Cinayət Məcəlləsinin 220.1-ci (zorakılıqların, talanların, yanğınların törədilməsi, odlu silahın, partlayıcı maddələrin tətbiq edilməsi, yaxud hakimiyyət nümayəndəsinə silahlı müqavimət göstərilməsi ilə müşayiət olunan kütləvi iğtişaşlar) maddəsi ilə ittiham ediliblər.

Bəzilərinin əlavə olaraq Cinayət Məcəlləsinin 315.2-ci (hakimiyyət nümayəndəsinə müqavimət) maddəsi ilə də təqsirli bilindiyi qeyd olunur.

Birinci qrupda mühakimə olunan 6 şəxsə 6 ildən 8 ilə qədər həbs verilib. İkinci qrupda mühakimə olunan 8 şəxsin isə 5 ildən 8 ilə qədər cəza aldığı qeyd olunur.

Baş Prokurorluq Gəncə hadisələri ilə bağlı ümumilikdə 6 qrupun (51 nəfər) işinin məhkəməyə göndərildiyini açıqlayıb. Baş Prokurorluqda bu il fevralın 7-də keçirilən iclasda qeyd edilirdi ki, Gəncədə iyulun 3-də icra hakimiyyəti başçısına sui-qəsdlə bağlı 29 nəfər haqqında həbs qətimkan tədbirlərinin seçilməsi təmin edilib. Həmin şəxslərdən 11-nin barəsində beynəlxalq axtarış elan olunub.

Prokurorluq bildirib ki, Gəncədə iyulun 10-da baş verən hadisələr və iki polisin öldürülməsi ilə bağlı isə 59 şəxslə bağlı həbs qətimkan tədbiri seçilib.

Dünyaya Baxış

Dünyaya Baxış. Nazarbayev etirazlardan sonra ilk dəfə video müraciət yayımlayıb
please wait

No media source currently available

0:00 0:10:04 0:00
XS
SM
MD
LG