Accessibility links

Gürcüstan parlamenti etirazlar və Qərbin xəbərdarlıqlarına baxmayaraq, “xarici agentlər” haqda qanun layihəsini səsə qoymağa hazırlaşır


Gürcüstan parlamenti artan etirazlar və Qərbin qanunun vətəndaş cəmiyyətinə nəzarət etmək məqsədi daşıdığına dair xəbərdarlıqları fonunda aprelin 30-da “xarici agentlər” adlanan qanun layihəsini ikinci oxunuşda səsə qoymağa hazırlaşır. Qanun lahiyəsi çoxları tərəfindən Kremlin öz tənqidçilərini susdurmaq üçün istifadə etdiyi qanun layihəsinin əksi olduğunu hesab edir.

Qanuna qarşı çıxan QHT-lər aprelin 30-da parlament binası qarşısında yeni nümayiş keçirməyə çağırıblar. Bu, son iki həftə ərzində hakim “Gürcü Arzusu” partiyasının irəli sürdüyü qanunvericiliyə qarşı on minlərlə insanın iştirak etdiyi bir sıra etirazların sonuncusudur.

Tənqidçilər qanun layihəsini “Rusiya qanunu” adlandırırlar və hakim partiyanın siyasətindən uzaq saxlayan prezident Salome Zurabişvili üçüncü oxunuşda gözlənildiyi kimi qəbul ediləcəyi təqdirdə layihəyə veto qoyacağını vəd edib.

Bununla belə, hökumət vetonu ləğv etmək üçün səslərə malikdir və bunu edəcəyini bildirib.

“Gürcü Arzusu” aprelin 29-da parlament binası qarşısında qanun layihəsini dəstəkləmək üçün ölkənin hər yerindən insanları toplayaraq böyük əks nümayiş keçirib.

Gürcüstanın keçmiş baş naziri və hakim “Gürcü Arzusu” partiyasının təsisçisi, nüfuzlu milyarder Bidzina İvanişvili qanun layihəsinə dəstək mitinqində çıxışı zamanı qanun layihəsinin əleyhdarlarını sərt tənqid edib, eyni zamanda xarici kəşfiyyat orqanlarını Qafqaz ölkəsinin daxili siyasətinə müdaxilə etməkdə ittiham edib.

Digər keçmiş baş nazir, hazırda “Gürcü Arzusu”nun sədri olan İrakli Qaribaşvili və digər partiya liderləri bu qanunun ölkənin siyasi mühitində şəffaflığı artırmaq məqsədi daşıdığını deyirlər.

Yeni etiraz aksiyasının elan edildiyi bəyanatda 20-yə yaxın QHT İvanişvili və “Gürcü arzusu”nu “Rusiya qanununu qəbul etməklə xalqa qarşı repressiya planlaşdırmaq... seçkiləri saxtalaşdırmaq, senzura və sovet tipli totalitar rejim qurmaqda” ittiham edib.

Qanun qəbul olunarsa, təşkilatlar və qrupların maliyyə vəsaitinin 20 faizdən çoxunu xaricdən aldığı halda “xarici agent” kimi qeydiyyatdan keçməsi tələb ediləcək.

Qanun ətrafında gedən mübahisələr Gürcüstanın Rusiya ilə qeyri-sabit münasibətlərini vurğulayır.

Dekabrda Gürcüstana namizəd statusu verən Avropa İttifaqı bəyan edib ki, blokun dəyərlərinə "uyğun olmayan" qanun layihəsinin qəbulu ölkənin üzvlük ümidlərini pozacaq.

Aprelin 29-da ABŞ-ın iki nüfuzlu qanunvericisi qanun layihəsinin Rusiya prezidenti Vladimir Putin tərəfindən irəli sürülən qanun layihəsinin əksi olduğunu bildirərək, qanun layihəsini “inanılmaz dərəcədə təhlükəli” adlandırıb və Gürcüstan hökumətini öz xalqını dinləməyə və onu ləğv etməyə çağırıb.

"Putin bu "xarici agentlər haqqında qanun"dan söz azadlığını kəskin şəkildə məhdudlaşdırmaq, Rusiya vətəndaş cəmiyyətini yox etmək və diktator kimi qəddar hakimiyyətini daha da möhkəmləndirmək üçün istifadə etdi". Bu barədə Konqresin Gürcüstan kokusunun həmsədrləri Gerri Konolli (Virciniya ştatından olan demokrat) və Austin Skot (Corciya ştatından respublikaçı) yaydıqları bəyanatda bildiriblər.

“Aİ-ə namizəd statusu almış ABŞ-ın demokratik tərəfdaşı olan Gürcüstan Respublikası üçün Putinin eyni anti-demokratik alətini təqlid edən qanunvericilik təqdim etmək və irəlilətmək olduqca böyük narahatlıq doğurur”- deyə, Konnolli və Skot öz bəyanatlarında bildiriblər.

Aprelin 30-da keçirilən plenar iclasda səsverməyə getməzdən əvvəl, aprelin 29-da parlamentin Hüquq Komitəsi bütün müxalifət üzvlərinin binadan çıxarıldığı iclasda ikinci oxunuşu təsdiqləyib.

Onlayn və çap mediası müxbirlərinin də sessiyada iştirakına qadağa qoyulub, təşkilatçılar “təhlükəsizlik” səbəbi ilə yalnız akkreditə olunmuş xəbər agentliklərinə giriş icazəsi veriblər.

Mətbuat mərkəzi həmçinin “müvafiq strukturlar tərəfindən dəvət olunanlar” istisna olmaqla, ziyarətçilərin binaya daxil olmasına qadağa qoyub.

“Gürcü Arzusu” qanunu keçən il təqdim edib, lakin kütləvi etirazlardan sonra onu geri götürmək məcburiyyətində qalıb. Partiyanın parlament qrupu qanunu cüzi dəyişikliklərlə geri qaytarıb və aprelin 17-də birinci oxunuşda qəbul etməsi yenidən iğtişaşlara səbəb olub.

Qanun layihəsinin yekun oxunuşunun mayın 17-də müzakirəsi planlaşdırılır.

Forum

XS
SM
MD
LG