Bazar ertəsi ABŞ vaxtı ilə səhər saatlarında Google şirkəti təxminən bir saatlıq müddətdə qlobal miqyasda xidmətlərinin çökməsi problemi ilə üzləşib. Bu müddətdə şirkətin Gmail, Google Drive və YouTube platfromalarına daxil olmaq mümkün olmayıb.
Google-un idarəedici qurumu olan Alphabet Inc. kəsilməyə nəyin səbəb olduğunu açıqlamayıb.
Ağıllı ev xidməti verən, işıq və digər ağıllı cihazları idarə edə bilən Google Home Services istifadəçiləri də xidmətdə kəsilmələrin olduğunu bildiriblər.
"Evin işığı Google Home tərəfindən idarə olunduğu üçün hazırda mən körpəmin otağında qaranlıqda oturmuşam... yenidən düşünmək üçün çox şey var," bir Google Home istifadəçisi Twitterdə yazıb.
Bloomberg Google-un axtarış və reklamlar xidməti Big Tech şirkətləri üçün bu tip kəsilmələrin tipik olduğunu bildirsə də, bu dəfə Google-un eyni vaxtda bir çox məhsullarının bundan təsirləndiyi üçün nəzərə çarpıldığını bildirib.