Accessibility links

Avropa İttifaqı Trans-Anadolu qaz kəmərini dəstəkləyir


Günter Ottinger

“İndi Avropa Azərbaycandan və digər Xəzəryanı ölkələrdən qaz almaq məqsədinə daha bir addım yaxınlaşıb”

Avropa İttifaqının energetika məsələləri üzrə komissarı Günter Ottinger Azərbaycan və Türkiyə arasında Trans-Anadolu (TANAP) qaz boru kəmərinə dair hökumətlərarası saziş imzalanmasını alqışlayıb.
“İndi Avropa Azərbaycandan və digər Xəzəryanı ölkələrdən qaz almaq məqsədinə daha bir addım yaxınlaşıb” – deyə G.Ottinger qeyd edib.
APA Agentliyinin məlumatına görə, Azərbaycan və Türkiyə arasında TANAP layihəsi üzrə saziş iyunun 26-da İstanbulda imzalanıb. Beş il ərzində reallaşması nəzərdə tutulan layihə 7 mlrd. ABŞ dollarına başa gələcək. Boru kəmərinin diametri 56 düym və ya 1,4 metr nəzərdə tutulub. Dörd mərhələdə həyata keçiriləcək layihənin ilk mərhələsi 2018-ci ildə başa çatacaq, 2020-ci ildə kəmərin buraxılış qabiliyyəti ildə 16 mlrd. kubmetrə, 2023-cü ildə 23 mlrd. kubmetrə, 2026-cı ildə isə 31 mlrd. kubmetrə çatdırılacaq. İlk dövrdə TANAP kəməri ilə nəql olunacaq 16 mlrd. kubmetr Azərbaycan qazının 10 mlrd. kubmetri Avropaya, 6 mlrd. kubmetri isə Türkiyəyə satılacaq. Avropa üçün nəzərdə tutulan qaz Türkiyə-Bolqarıstan və ya Türkiyə-Yunanıstan sərhədində təhvil veriləcək.
XS
SM
MD
LG