Accessibility links

Həbsdə olan AXCP fəalı aclığı dayandırıb


Əlzamin Salayev

17 saylı Cəzaçəkmə Müəssisəsində həbsdə olan Azərbaycan Xalq Cəbhəsi Partiyasının fəalı Əlzamin Salayev avqustun 6-da aclığı dayandırıb.

Bu barədə fəalın oğlu Oqtay Salayev bildirib.

Onun sözlərinə görə, avqustun 6-da koloniya rəhbərliyi fəalı dəvət edib və dinləyib.

"Atamı əmin ediblər ki, onun səhhəti nəzarət altına alınıb və o, koloniyanın sanitar hissəsinə və Penitensiar Xidmətin müalicə müəssisəsinə köçürüləcək. Bundan sonra atam aclığı dayandırıb," Oqtay Salayev deyib.

Gəncin sözlərinə görə, yaxın günlərdə vədlər yerinə yetirilməsə atası alcığa yenidən başlayacaq.

O xatırladıb ki, atası ürək çatışmazlığından, hipertoniyadan əziyyət çəkir, qaraciyəri böyüyüb və isti onun vəziyyətini daha da ağırlaşdırıb. Onun stasionar müalicəsindən imtina ediblər. Bu səbəbdən 4 gün öncə Salayev aclıq elan edib.

Əlizamin Salayev 20 aprel 2020-ci ildə Salyan Rayon Məhkəməsi tərəfindən mühakimə olunub və 2 il 3 ay müddətinə azadlıqdan məhrum edilib. O, yerli polis şöbəsinin zabitinin şikayəti əsasında “böhtan” və “təhqir”də ittiham olunub. İddiaya Salayevin İnternetdə yaydığı videogörüntü səbəb olub. Videogörüntüdə o, polislə söhbətində onu 21 yaşlı yerli sakini birgə yaşamağa təhrik etməkdə günahlandırıb.

Salayev hüquq müdafiəçiləri tərəfindən siyasi məhbus kimi tanınıb.

Amerika İcmalı

Amerika İcmalı - 11 Sentyabr hücumlarının 20-ci ildönümü
please wait

No media source currently available

0:00 0:30:02 0:00
XS
SM
MD
LG