Hadi Qaraçayın dediklərinə görə, ölkə xaricində fəaliyyət göstərən güney təşkilatları çox zaman ortaq məsələlər üçün bir araya gəlib birgə kampaniyalar təşkil edə bilmirlər. Norvecdə yaşayan türk fəal və şair Amerikanın Səsi ilə söhbətdə xaricdə yaşayan güneyli mədəni fəallar, hüquq müdafiəçiləri və siyasi təşkilatların insan haqları sahəsində fəaliyyətlərini şərh edib. O, xüsusilə bu qrupların siyasi məhbusların aclıq aksiyasında olması kimi durumlarda kampaniyalar təşkil etmək qabiliyyətini dəyərləndirib.