Külli miqdarda xarici valyutanın qanunsuz yolla ölkədən çıxarılması cəhdinin qarşısı alınıb.
Azərbaycan Dövlət Gömrük Komitəsinin məlumatına görə, Hava Nəqliyyatında Baş Gömrük İdarəsi Bakı-İstanbul aviareysilə getmək istəyən Türkiyə vətəndaşından gömrük orqanına bəyan edilməmiş 19 400 ABŞ dolları aşkar edib.
"Sərnişinin pulqabında 1700 ABŞ dolları, çamadandakı şəxsi əşyaların arasında olan yaş salfet paketinin içərisində isə 17700 ABŞ dolları aşkar edilib", məlumatda deyilir.
Faktla bağlı araşdırma aparılır.
