Accessibility links

“HamısınıAZADet “ kampaniyası başlayıb


Rəsul Cəfərov "hamınıAZADet" kampaniyasına qoşulub
Rəsul Cəfərov "hamınıAZADet" kampaniyasına qoşulub

Aprelin 1-dən #hamısınıAZADet #freethemALL kampaniyasının ikinci mərhələsinə başlanılıb. Bu barədə hüquq müdafiəçisi Rəsul Cəfərov facebook səhifəsində yazıb.

“Əsas məqsədimiz və çağırışımız dəyişməz olaraq qalır - siyasi məhbusların hamısı azadlığa buraxılsın!” Cəfərov yazıb.

O insanları aşağıdakı təşəbbüsə qoşulmaqla kampaniyada fəal iştirak etməyə dəvət edir:

“Qısa (30 saniyəyə qədər) bütün siyasi məhbusları azadlığa buraxmağa çağıran videomüraciətlərlə çıxış etməklə, aprelin 2-də yayılacaq müraciətlərə (petisiyalara) imza atmaqla, kampaniyanın frame və posterlərini kütləvi şəkildə paylaşmaqla, kampaniyaya yeni insanların cəlb edilməsində iştirak etməklə, rəsmilərin sosial şəbəkələrdəki səhifələrinə çağırışlar yazmaqla kampaniyaya qoşulmaq olar,” hüquq müdafiəçisi bildirir.

Yerli hüquq müdafiəçiləri ölkədə hazırda 87 şəxsi siyasi məhbus kimi tanıyır. Hüquq müdafiəçilərinin bildirdiyinə görə, bu il martın 26-da prezident İlham Əliyev 51 siyasi məhbusu əfv edib.

Rəsmi Bakı ölkədə siyasi məhbusların olmadığını bildirir. Yerli rəsmilərin fikirlərinə görə bütün fundamental azadlıqlar tam bərpa edilib, insanlar fikrilərinə, əqidələrinə görə təqib olunmur.

Bununla yanaşı Avropa Şurası Parlament Assambleyasında Azərbaycanda siyasi məhbuslarla bağlı məruzəçi fəaliyyət göstərir. “Amnesty İnternational” təşkilatı ölkədə onadək insanı vicdan məhbusu elan edib.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG