“Haqqani şəbəkəsi” terror qruplaşmasının təsisçisi və lideri Cəlaluddin Haqqani uzun sürən xəstəlikdən sonra ölüb. Açıqlamada onun Parkinson xəstəliyindən əziyyət çəkdiyi və iflic olduğu bildirilir. Çərşənbə axşamı verilən məlumatda onun bazar ertəsi öldüyü bildirilir. Onun 70-80 yaşlarında olduğuna inanılır.
1970-ci illərdə qruplaşma yaradan Haqqani, 1980-ci illərdə Əfqanıstanın Sovet işğalına qarşı ABŞ dəstəkli kampaniyada mühüm rol oynamışdı, lakin 2001-ci ildə ABŞ-ın Əfqanıstana müdaxiləsindən sonra o silahı Amerikaya qarşı çevirdi.
Oğlu Siracuddin Haqqani uzun müddət militant qrupun operativ nəzarətini həyata keçirmiş və Talibanın lideri olmuşdur.
Hal-hazırda Kabildə olan İndiana Universitetinin Mərkəzi Asiya və Yaxın Şərq mədəniyyətlərinin antropologiyası üzrə professoru Nazif Şahrani Amerikanın Səsinə bildirib ki, Haqqaninin ölümü Əfqanıstandakı təhlükəsizlik vəziyyətini dəyişmək iqtidarında deyil.
Şahraninin sözlərinə görə oğul Haqqani illərdir üsyançı qrupa başçılıq edir və atasının ölümü hökumətlə sülhü pozduğuna baxmayaraq, münaqişənin dinamikasını dəyişə biləcəyi qeyri-müəyyəndir.
Mümkündür ki, Haqqani qruplaşmasının son hücumları Haqqaninin kiçik qardaşının Əfqanıstanda həbsxanadan sərbəst buraxılmasına hesablanmış olsun.
