Accessibility links

Vəkil Nemət Kərimli: Əfqan Muxtarlı Azərbaycana gətirilib [Vəkillə audio müsahibə]


Əfqan Muxtarlı

Vəkil Gürcüstan hökumətinin hərəkətindən şikayət verəcək

Bu gün axşam saatlarında vəkil Elçin Sadıqov Dövlət Sərhəd Xidmətinin binasında saxlanılan jurnalist Əfqan Muxtarlı ilə görüşür. Artıq vəkil iki saatdan çoxdur ki, Sərhəd Xidmətinin binasına daxil olub.

Əfqan Muxtarlının Tbilisidə yaşayan həyat yoldaşı Leyla Mustafayeva Facebook səhifəsində jurnalistin pasportunun (Azərbaycan pasportu) fotosunu yayıb.

"Əfqanın Azərbaycan pasportu evdə idi. Bu onun pasportudur. Əfqanı pasportsuz Gürcüstan-Azərbaycan sərhəddindən necə keçiriblər?", jurnalistin həyat yoldaşı sual edir.

Leyla Mustafayeva Əfqan Muxtarlının pasportunu nümayiş etdirir (Foto onun facebook səhifəsində yayılıb)
Leyla Mustafayeva Əfqan Muxtarlının pasportunu nümayiş etdirir (Foto onun facebook səhifəsində yayılıb)

Jurnalist Əfqan Muxtarlı Bakıya gətirilib. Bu barədə vəkil Nemət Kərimli Amerikanın Səsinə müsahibəsində bildirib.

Onun sözlərinə görə, Muxtarlı bu gün saat 18 radələrində ona zəng edib.

Vəkil Nemət Kərimlinin Amerikanın Səsinə müsahibəsi
please wait

No media source currently available

0:00 0:01:54 0:00

“Əfqan Muxtarlı bildirdi ki, Dövlət Sərhəd Xidmətinin Sahil metrosunun yaxınlığındakı binasındadır. Sabahdan onun müdafiəsinə qoşulacam”, o qeyd edib.

Vəkil Gürcüstanda saxlanlan Əfqan Muxtarlının Azərbaycana verilməsini beynəlxalq hüquq normalarının kobud pozuntusu kimi qiymətləndirib.

“Əfqan Muxtarlını Azərbaycanda təhlükə gözləyirdi. Bu halda Gürcüstan onu Azərbaycana verməməli idi. Biz Gürcüstan hökumətinin hərəkətindən şikayət verəcəyik”, vəkil bildirib.

Əfqan Muxtarlı mayın 29-da Tbilisi şəhərində yoxa çıxıb. Həyat yoldaşı onun qabaqcadan izləndiyini deyib. Əfqan Muxtarlı jurnalist fəaliyyəti ilə məşğuldur və bir neçə il bundan əvvəl Tbilisiyə köçüb.

Amerika İcmalı

Amerika İcmalı - 26 Noyabr 2021
please wait

No media source currently available

0:00 0:30:16 0:00
XS
SM
MD
LG