Accessibility links

Müsavat Partiyasının təşkilat sədri 5 il həbsə məhkum edilib


Əlikram Xurşudov
Əlikram Xurşudov

Mayın 4-də Şirvan şəhər Məhkəməsi Müsavat Partiyasının Şirvan şəhər Təşkilatının sədri Əlikram Xurşudovu 5 il həbsə məhkum edib. Bu barədə Müsavat Partiyası məlumat yayıb.

Əlikram Xurşudov 2017-ci il noyabrın 22-də polis tərəfindən saxlanılıb. O Cinayət Məcəlləsinin 221.2.2 və 221.2.3 maddələri ilə (xuliqanlıq) ittiham olunur.

Müsavat Partiyasının bəyanatında deyilir ki, Əlikram Xurşidov müxalifətçilərə qarşı ənənəvi olaraq irəli sürülən “xuliqanlıq”da təqsirləndirilib.

“Ona qarşı yazılan “şikayət ərizəsi” təşkil olunmuş şərləmədir. Əlikram Xurşidov alicənab, mədəni, halal zəhməti ilə dolanan bir insan olaraq yaşadığı bölgədə böyük hörmət sahibidir. Əlikram Xurşidov əqidəli müsavatçı olaraq Azərbaycanda və yaşadığı Şirvan şəhərində baş verən qanunsuzluqlarla əlaqədar daim barışmaz mövqe tutub, son dövrdə isə sosial şəbəkələrdə Şirvan rayon İcra Hakimiyəti başçısının qanunsuz metlax biznesi, bölgədəki korrupsiya, eləcə də büdcə təşkilatlarında çalışanların inzibati üsullarla YAP-a üzv qəbul etdirilməsi haqqında xəbərlər paylaşıb. Müsavatın yerli təşkilatının toplantıları da Əlikram Xurşidovun mənzilində keçirilirdi. Əlikram Xurşidovun həbsinin motivi məhz bunlardır”, sənəddə qeyd edilir.

Müsavat Partiyası Əlikram Xurşidovun dərhal azad edilməsini, ona qarşı açılan cinayət işinin xətm olunmasını və Azərbaycanda davam edən repressiya siyasətinin durdurulmasını tələb edir.

Dünyaya Baxış

Dünyaya Baxış. Rusiya Belqorodda Ukraynanın hava hücumunun qarşısını aldığını bildirib
please wait

No media source currently available

0:00 0:12:17 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG