Azərbaycan Xalq Cəbhəsi Partiyasının (AXCP) Lənkəran şöbəsinin fəalı Əflatun Səfərov mayın 19-da İnzibati Xətalar Məcəlləsinin 535.1 maddəsi ilə (Polisin qanunu tələbinə tabe olmamaq) təqsirli bilinərək Lənkəran Rayon Məhkəməsinin qərarı ilə bir ay müddətinə inzibati qaydada həbs edilib.
Bu barədə AXCP-nin məlumatında deyilir.
Əflatun Səfərov mayın 18-də Lənkəran Polis Şöbəsi tərəfindən saxlanılıb.
AXCP Lənkəran Şöbəsi bildirir ki, həbsin əsl səbəbi onun sosial şəbəkələrdəki fəaliyyətidir.
Rəsmi qurumlar Səfərovun həbsi ilə bağlı hələ məlumat yaymayıb.
