Accessibility links

Vəkil Azər Qasımlı ilə görüşə bilmir


Mayın 29-da həbs edilmiş REAL Partiyasının Məclis üzvü Azər Qasımlıya nə vəkili, nə də ailə üzvləri ilə görüş vermirlər. Bu barədə mayın 31-də onun həyat yoldaşı Samirə Qasımlı bildirib.

O, hələ mayın 30-da inzibati qaydada həbs olunanların saxlanma yerinə baş çəkib. Ona görüş verməkdən imtina ediblər, həbslə bağlı sənədləşmənin yekunlaşmadığını bildiriblər. S.Qasımlıya mayın 31-də gəlməyi təklif ediblər və hətta mayın 31-də saat 10.00-la 12.00 arası Azərin evə zəng edəcəyini vəd ediblər. Amma zəng gəlməyib.

Saat 12.00-dan sonra Qasımlının həyat yoldaşı yenidən təcridxanaya gəlib, amma ona yenə görüş verməyiblər, görüş üçün münasib otaq olmadığını bildiriblər.

Polis nümayəndələri həmçinin bildiriblər ki, Azər Qasımlı özü evə zəng etməkdən imtina edib, həyat yoldaşı buna inanmayıb.

Təcridxana rəhbərliyi vəkili Elçin Sadıqovu da Azər Qasımlının yanına buraxmır və evdən ona gətirilənləri qəbul etmir.

Xatırladaq ki, A.Qasımlı polisə tabe olmamaq ittihamı ilə 30 günlük inzibati həbs cəzasına məhkum edilib. REAL Partiyası hesab edir ki, həbsin əsl səbəbi onun AXC-nin 100 illiyi ilə bağlı bayram yürüşündə fəal iştirakı olub.

Dünyaya Baxış

Dünyaya Baxış. Rusiya Belqorodda Ukraynanın hava hücumunun qarşısını aldığını bildirib
please wait

No media source currently available

0:00 0:12:17 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG