Azərbaycan Müdafiə Nazirliyi və Almaniya Federal Müdafiə Nazirliyi arasında “2017-ci il üçün ikitərəfli əməkdaşlıq Proqramı”na uyğun olaraq oktyabrın 26-da Bakı şəhərində hər iki ölkənin müdafiə nazirlikləri arasında danışıqlar keçirilib.
Azərbaycan Müdafiə Nazirliyinin Mətbuat xidmətinin məlumatına görə, danışıqlarda iki ölkə arasında hərbi sahədə əməkdaşlığın mövcud vəziyyəti, inkişaf perspektivləri, hərbi təlim və təhsil üzrə əməkdaşlıq fəaliyyətləri müzakirə olunub, eləcə də regional təhlükəsizlik məsələləri barədə fikir mübadiləsi aparılıb.
