Accessibility links

Azərbaycan hərbi təhsilin genişləndirilməsi barədə NATO ilə məsləhətləşmə aparır


Azərbaycan-NATO məsləhətləşməsi

NATO-nun hərbi təhsil ekspert qrupu Bakıda səfərdədir.

Müdafiə Nazirliyinin Mətbuat xidmətinin məlumatına görə, Bakıda Müdafiə Nazirliyinin və NATO-nun mütəxəssisləri arasında işçi görüş başlayıb.

Məsləhətləşmələr hərbi təhsil sisteminin inkişafına dəstək üzrə NATO-Azərbaycan birgə fəaliyyət planına uyğun olaraq, "Müdafiə təhsilinin genişləndirilməsi proqramı" (DEEP) çərçivəsində keçirilir.

Silahlı Qüvvələrin Hərbi Akademiyasında keçirilən məsləhətləşmələr iyunun 8-dək davam edəcək. Görüşdə əsasən "Elektron təhsil modulu" mövzusu müzakirə olunacaq.

Azərbaycanın NATO ilə əməkdaşlığı 1994-cü ildə başlayıb. Əlaqələrin əsas tərkib hissəsini hərbi əməkdaşlıq, hərbi modernizasiya, təhlükəsizlik məsələləri üzrə siyasi məsləhətləşmələr və sülhməramlı əməliyyatlar təşkil edir.

2002-ci ildə NATO-nun Praqa sammitində tərəfdaş ölkələrlə əməkdaşlığı genişləndirmək məqsədilə Fərdi Tərəfdaşlıq üzrə Əməliyyat Planı (FTƏP) qəbul edilib. 2005-ci ildən Azərbaycan FTƏP-ə qoşulub. Ancaq Azərbaycan rəsmiləri son illər açıq bəyan ediblər ki, qarşıya NATO-ya üzvlük məsələsi qoyulmayıb.

Müxalifət hesab edir ki, hakimiyyətin NATO ilə əməkdaşlığa sərhəd qoyması iki amillə bağlıdır. Bir tərəfdən hakimiyyət Rusiyanı qıcıqlandırmaq istəmir, ikinci tərəfdən isə islahatlardan çəkinir. Rəsmilər isə bunu balanslaşdırılmış siyasətlə izah edirlər.

XS
SM
MD
LG